Noticia

Articulo

Lista

Foyeto y mas

Poster

Publicacion

Mayor

Lider den Centro di Mucha

Hefe den Centro di Mucha

Otro educador y profesional

Noticia

Registrarse Iniciar sesión

Fundacion Pa Nos Muchanan 20 anja sirbiendo nos comunidad

Den cuadro di 20 aña di existencia Fundacion Pa Nos Muchanan (FPNM) ta preparando pa ofrece diferente sorpresa na comunidad en general. Na prome luga FPNM kier yama danki na e fundadornan, e boluntarionan ademas tur esnan cu duna e confiansa e ultimo 20 añanan pa financia e proyectonan dirigi riba mayor y educador di muchanan den e edad di 0-12 aña. Sin boso e celebracion aki lo no tabata posibel!

Como inicio di nos celebracion, den e prome parti di aña, FPNM a bishita diferente sponsor y a entrega e relato di actividadnan realisa den aña 2010. E bishitanan lo continua den e di 2 parti di aña.

Keda pendiente pasobra den e proximo dianan FPNM lo lansa su prome boletin informativo pa mayor titula “Apoyo”.

E otro actividadnan ta planea pa di dos mitar di 2011. Den cuadro di e festividadnan por spera diferente proyecto. Un ehempel ta un proyecto financia door di Gobierno di Aruba cu a haci posibel pa FPNM por desaroya y imprimi flyer, foyeto y un booklet completamente nobo tocante temanan relaciona cu educacion di mucha.

E booklet: “Termento no ta co’i kens!” t’ey atrobe! Un biaha mas FPNM por a conta cu e aporte financiero di RBTT Bank N.V. y pa prome biaha den combinacion cu fondonan di CEDE Aruba.

Den e di 2 parti di aña lo transmiti via television un documentario nobo cu e topico “Famia”.

FPNM no a lubida e centronan di mucha. Pa e grupo aki FPNM den tin planea un: “Mercado pa profesionalnan den cuido di guia di mucha”.

Tanto e directiva como e team di FPNM ta wak bek riba e diferente retonan cu e organisacion a enfrenta den e delaster 20 añanan y ta optimista pa e añanan cu tin padilanti. Pa e añanan binidero e reto di FPNM na tur educador den nos comunidad ta: “Educacion pa un base firme!”

Pa pregunta y mas informacion riba e articulo aki of otro topiconan relaciona cu educacion por acerca
Fundacion Pa Nos Muchanan, Cumana 2, tel. 583-4247 / 588-0856, fax. 583-5658 e-mail: info@fpnm.aw Website:www.fpnm.aw

Historia Fundacion Pa Nos Muchanan

Esaki ta un recorte di e momentonan historico cu a tuma luga durante e 20 añanan di exisistencia di Fundacion Pa Nos Muchanan (FPNM).

Aña 1986

Diferente fundacion y organisacion, entre nan Osticeba, CEDE Aruba, ATHA, YMCA, diferente centro di cuido di mucha, AHATA, Departamento di Asuntonan Social y personanan individual, a traha riba varios aspecto di cuido y guia di mucha na Aruba a base di diferente necesidad cu nan a señala.

Aña 1990

Un plataforma a lanta consistiendo di diferente gremio den comunidad. E plataforma a cuminsa cu combersacionnan pa bin cu un solucion pa e diferente problemanan cu a surgi rond di e cuido y guia di mucha na Aruba. Miembronan di e plataforma a subraya e necesidad pa lanta un instancia, cu lo mester bai dirigi su mes principalmente riba e trabou di cuido y guia di mucha.

12 di juni 1991

Fundacion Pa Nos Muchanan a lanta cu e meta pa: sostene, guia y optimalisa e servicio brinda dor di e centronan di cuido y guia di muchanan entre 0 pa 14aña. Ademas duna informacion na publico en general y en particular na mayornan tocante preguntanan relaciona cu educacion di mucha.

1992

Cu yudansa financiero di Bernard van Leer Foundation FPNM a habri su prome oficina na Mandolinstraat 6. Dos trahado pedagogico ta drenta servicio. Sigui na aña 1993 pa un trahado administrativo.

Meta di FPNM :

Mehora calidad di cuido, guia y educacion di muchanan di 0 te cu 12 aña dor di duna sosten na educadornan y duna informacion na publico en general.

Educadornan ta: entre otro mayornan, famia, lidernan di centronan di cuido y guia di mucha (creche, scol di hunga, pasadia, traimerdia, etc.)

Punto di salida FPNM: Declaracion Universal di Derechonan di Mucha proclama pa Nacionnan Uni y e Convencion riba Derecho di Mucha di Nacionnan Uni.

1996

FPNM ta cuminsa ricibi subsidio di gobierno di Aruba.

2004

Relaciona cu ampliacion di actividadnan y personal na aña 2004 e oficina di FPNM ta muda pa Cumana 2.

1992-Awor

Na aña 2011 e personal di FPNM ta consisti di un directiva di 5 boluntario, directora, 3 trahado pedagogico y 1 trahado administrativo.

E actividadnan durante di e 20 aña di FPNM a consisti en corto di:

1992-Awor Organisa, prepara y implementa e “Centro di documentacion” di FPNM.

1992-Awor FPNM ta promotor pa organisa y duna contenido na “Dia Internacional di Derecho di Mucha” y “Dia Nacional di Mucha”.

1992-Awor Participacion den comisionnan instala dor di gobierno y otronan. Por ehempel E.P.I. Strategic Quality Plan, proyecto di "Ley di Exigencianan Minimo pa Cebtro di Mucha", etc.

1992-Awor FPNM ta traha como gecommitteerde pa examen di EPI of IPA y ta asisti den preparacion di module pa scol.

1992-2001 Participacion den preparacion y ehecucion di “Urgentieopleiding” pa capacitacion riba nivel LBO di lidernan di centro di mucha.

1992-Awor Traha hunto cu otro instancianan den proyectonan integral.

1992-Awor Organisa y duna curso, charla y workshops prome pa trahado di centro di mucha y den 1993 pa mayor.

1992-Awor Publicacion di articulonan den medionan di comunicacion (corant y entrevista na television y radio) y articulo pa “corant di scol”.

1993-Awor Diferente otro publicacion p.e. investigacion, poster, brochure, booklet y foyeto (ademas reprint).

1995-awor Produccion di documentario p.e. “Parke di recreo”, “Dia di nos muchanan”, “Ta tuma un comunidad pa lanta un mucha”, etc.

1995 FPNM ta busca fondo y ta desaroya wega pa haci cu mucha den centro.

2001-2009 FPNM ta miembro di “Comicion Nacional di Derecho di Mucha”.

2004 Prome website di FPNM. Na aña 2009 a presenta “www.fpnm.aw” renoba na publico.

2005 Proyecto material di informacion pa mayor na idioma spaño.

2006-Awor Seminario pa mayor y trahadonan di centro di mucha.

2007-awor Ta publica Boletin informativo pa centro di mucha “Simia” 3 biaha pa aña.

Prome oficina, Mandolinstraat 6, Dakota Oficina actual, Cumana

"Apoyo" pa mayor

Prome edicion di boletin pa mayor “Apoyo”

Como parti di celebracion di 20 ana di existencia, Fundacion Pa Nos Muchanan (FPNM) ta lansa su prome boletin pa mayor, titula “Apoyo”. E ta un boletin gratis,di 8 pagina, na colo y por spera su publicacion dos bes pa aña.

Grupo meta di Apoyo ta primeramente mayor, como cu e mayor ta prome responsabel pa educacion di un mucha. Sinembargo e ta contene informacion interesante pa tur educador . Apoyo ta trata temanan relaciona cu educacion, bienestar di mucha y actividadnan den tempo liber pa henter famia.

E iniciativa aki a nace relaciona cu e resultadonan di un tevredenheidsonderzoek cu FPNM a haci na aña 2006. Banda di e informacion cu FPNM ta ricibi diariamente den contacto cu educadornan di mucha entre 4-12 aña. En general por conclui cu gran parti di e preguntanan cu FPNM ta ricibi ta relaciona cu educacion di mucha.

Bureau Traimerdia ta e prome instancia cu a ricibi “Apoyo”. Ademas e ta obtenibel entre otro na: Fundacion Pa Nos Muchanan, Bureau Traimerdia, YMCA Dakota y San Nicolas, Biblioteca Nacional Oranjestad y San Nicolas, Food Center, Superfood, Certified, Botica Aloe, Directie Voogdijraad y Directie Sociale Zaken etc.

Na tur esnan cu di un manera of otro a aporta na produci e boletin aki, danki pa boso Apoyo na bienestar di muchanan di Aruba!