Duna mayor conseho ora tin pregunta y preocupacion relaciona cu educacion di e yiu. Por yama pa haya conseho, si ta desea por keda anonimo.Tambe por haci cita pa un combersacion personal.
Organisa seminario, tayer y curso pa mayor. Den medionan di prensa ta publica aviso/invitacion pa e actividadnan aki.
Riba peticion duna charla na grupo di mayor, p.e. na scol of centro di mucha.
Material informativo disponibel den Centro di Documentacion, e.o. buki, revista, foyeto, poster, flyer y material audiovisual . Algun topico di buki cu por presta ta disciplina, educacion sexual, wega pa mucha, fasenan di desaroyo di mucha, emocion, termento, baby cu ta yora hopi, etc.
Publica articulo semanal den corant tocante topiconan di educacion di mucha. Si mayor kier copia di un articulo por aserca FPNM libremente.
Varios lista disponibel: lista di centro di cuido y guia pa mucha, actividadnan pa mucha despues di scol, actividadnan den vacacion escolar, huiswerkbegeleiding y bijles.
FPNM no ta cobra pa yudansa ofreci na mayornan. Ta cobra solamente pa participacion na curso.