 |
| GRANDIOSO MERCADO DI INFORMACION PA PROFESIONALNAN DEN CUIDO Y GUIA DI MUCHA: 12 november 2011
|
|
|
|
|
Prome Mercado pa Profesionalnan den cuido & guia di mucha di Fundacion Pa Nos Muchanan: un exito rotundo!
Na aña 2006 y 2008 FPMN a organisa un seminario 'Ora bo ta wak pa yiu di hende' pa lidernan di centro di mucha. Durante e seminarionan aki, a duna 3 workshops y a tene un exposicion chikito di un compania di buki y coi hunga. Mirando e exito di e seminarionan y e interes grandi di lidernan pa curso y workshops, a bin cu e idea pa organisa un mercado pa profesional den cuido y guia di mucha. Proposito di e evento aki ta pa trece informacion, material y actividadnan destina pa mucha mas serca di esnan cu diariamente ta traha cu nan. Den e mercado lo mustra productonan interesante pa e lidernan tuma nota di dje y actividadnan creativo y recreativo pa haci cu mucha. Den coneccion cu 20 aña existencia di Fundacion Pa Nos Muchanan (FPNM), cu apoyo di Aruba Way Foundation, a ofrece un mainta cu diferente workshops pa lidernan den cuido y guia di mucha pa asina dunanan hopi informacion y guia riba tereno di bienestar general di e mucha y e lider.
E promer “Mercado pa profesionalnan den cuido & guia di mucha” a tuma lugar den ballrooms di Westin Aruba Resort.
Oradornan pa e mainta aki tawata sra. Zuhayla Croes, coordinador pedagogico (topico: E importancia di hunga y co'i hunga), sra.Luty Martinez, docente, (topico: E mayor, bo aliado), sra. Annemieke Dijkhout, fysioterapista, (topico: Lider, cuida bo lomba); sra. Desiree Correa, docente spanjo/escritor, (topico: Lesa buki & Kashi di popchi); sra. Enid de Kort, terapista di famia, (topico: E salud mental di e lider: un vision sistemico); sr. Jan Hubert, docter na Cuido di Salud Hubenil, (topico: Maneho di malesa y sanger den centro di mucha); sra. Martha Echeverry, educador special/antropologo, y sra. Uleike Tromp, terapista den 'applied behavior analisis' (topico: Comportacion di mucha den grupo) y for di Corsow, sra. Sharissa Naipal-Lewellyn, (topico: Siña activo).
E workshops a wordo atendi pa lider y studiante, representando 46 centro di mucha di 0 pa 12 aña. Comentarionan di e participantenan tabata sumamente positivo.
Despues di un mainta educativo y informativo Minister Michelle Hooyboer-Winklaar a habri merdia e Expo oficialmente y a dirigi palabranan di reconocimento pa e profesion.
E exposicion tawata tin e aspecto recreativo y creativo caminda diferente instructornan, companianan y instancianan a presenta nan actividadnan, producto y servicio cu ta relevante pa cuido y guia di mucha.
Fundacion Pa Nos Muchanan ta desea di gradici tur esnan cu a aporta na e exito di “Mercado”. Un danki special ta bai pa Aruba Way Foundation, kende ta e patrocinador mas grandi. Alabes pa Westin Aruba Resort y Quick Finder Services, pa nan tremendo yudansa.
FPNM |
|
|
|
|
| Kico nos por nifica pa abo, lider di centro di mucha?
|
|
|
|
- Organisa curso, tayer, training y seminario riba topico relaciona cu trabao cu mucha e.o. maneho pedagogico y plan di
trabao pedagogico, movecion y wega cu mucha, alimentacion, disciplina efectivo, prome asistencia y seguridad den centro
di mucha y educacion sexual.
Via medionan di comunicacion y carta ta anuncia e actividadnan aki na e lidernan.
- Saca revista “SIMIA” cada cuartal cu ta trata topico di trabao cu mucha, curso, evenemento planea, etc. Pa download
“SIMIA”, click aki.
- Riba peticion di centro, duna charla na mayornan riba topiconan di educacion manera importancia di coi hunga y wega,
comunicacion efectivo den educacion, disciplina y comportacion, termento y educacion sexual.
- Duna informacion, conseho y guia na doño y lider ora tin pregunta y preocupacion riba asunto di educacion y/o trabao cu
mucha.
- Duna conseho y informacion na personanan cu kier cuminsa un centro di mucha.
|
|
|
|
 Centro di Documentacion tin varios material informativo (buki, revista, foyeto, flyer, poster, dvd y video) riba e topiconan di educacion di mucha di 0-12 aña. Tin buki, revista y material audiovisual specialmente tocante trabao cu mucha den centro di mucha e.o. riba fasenan di desaroyo di mucha, disciplina, baby cu ta yora hopi, educacion sexual, termento, wega, coi hunga y hungamento, cantica di mucha, nutricion, plan pedagogico, organisacion y administracion di un centro etc. |
|
|
|
| Simia: Boletin pa centro di Mucha
|
|
|
|
|
|
|
|
|
|
|
Si bo mester sa na cua instancia bo mester acudi pa yudansa relaciona cu mucha of bo kier sa telefon di un cierto organisacion por yama FPNM. E instancianan por ta specialista y instituto gubernamental of no gubernamental.
|
|
|
|
|
|
Si bo ta desea mas informacion, bo tin pregunta of bo ta interesa pa participa den nos actividadnan, click aki y manda nos e formulario. Di antemano danki!
|
|
|
|
|
| Website links interesante
|
|
|
|
|
|
|
|
|
Lidernan di centronan di mucha ta tuma nan trabou na serio.
Recientemente lidernan di Noah’s Ark speelschool, Pretty Flower Speelschool, Scol di hunga Moises, Sesame Street Daycare, De Kleine Burger naschoolse opvang, My Little Giraffe playschool, Traimerdia & huiswerkbegeleiding Primavera, Sponge Bob Speelschool y Dinosaurus Speelschool a termina e curso di Prome Asistencia/CPR y Siguridad den centro di mucha, organisa pa Fundacion Pa Nos Muchanan (FPNM).
E parti di “Prome Asistencia y CPR” tabata na encargo di Nederlandse Rode Kruis y e parti di “Siguridad den centro di mucha” na encargo di FPNM.
Cursistanan a haya informacion y a practica Prome asistencia y CPR. Alabes a pone atencion riba aspectonan di siguridad den centro di mucha y a infatisa e importancia di tin un plan di evacuacion.
FPNM ta gradici Kiwanis Club of Aruba pa su fiel sponsoring y ta felicita e lidernan deseando nan exito den nan trabou cu mucha.
|
|
|
|
|