 |
| Lista material Nedar Educatief
|
|
|
|
|
Pa centronan di mucha cu no a haya e lista di material pa haci nan encargo durante Mercado di Informacion 12 di november, nos lo pone un link pa yega na e lista. Click aki pa haya na e lista. Despues di yena bo bestelling, haci un print out pa bo keda cu un copia. |
|
|
|
|
|
| GRANDIOSO MERCADO DI INFORMACION PA PROFESIONALNAN DEN CUIDO Y GUIA DI MUCHA!!!
|
|
|
|
|
Prome Mercado pa Profesionalnan den cuido & guia di mucha di a Fundacion Pa Nos Muchanan: un exito rotundo!
Oranjestad,-- Na aña 2006 y 2008 FPMN a organisa un seminario 'Ora bo ta wak pa yiu di hende' pa lidernan di centro di mucha. Durante e seminarionan aki, a duna 3 workshops y a tene un exposicion chikito di un compania di buki y coi hunga. Mirando e exito di e seminarionan y e interes grandi di lidernan pa curso y workshops, a bin cu e idea pa organisa un mercado pa profesional den cuido y guia di mucha. Proposito di e evento aki ta pa trece informacion, material y actividadnan destina pa mucha mas serca di esnan cu diariamente ta traha cu nan. Den e mercado lo mustra productonan interesante pa e lidernan tuma nota di dje y actividadnan creativo y recreativo pa haci cu mucha. Den coneccion cu 20 aña existencia di Fundacion Pa Nos Muchanan (FPNM), cu apoyo di Aruba Way Foundation, a ofrece un mainta cu diferente workshops pa lidernan den cuido y guia di mucha pa asina dunanan hopi informacion y guia riba tereno di bienestar general di e mucha y e lider.
E promer “Mercado pa profesionalnan den cuido & guia di mucha” a tuma lugar den ballrooms di Westin Aruba Resort.
Oradornan pa e mainta aki tawata sra. Zuhayla Croes, coordinador pedagogico (topico: E importancia di hunga y co'i hunga), sra.Luty Martinez, docente, (topico: E mayor, bo aliado), sra. Annemieke Dijkhout, fysioterapista, (topico: Lider, cuida bo lomba); sra. Desiree Correa, docente spanjo/escritor, (topico: Lesa buki & Kashi di popchi); sra. Enid de Kort, terapista di famia, (topico: E salud mental di e lider: un vision sistemico); sr. Jan Hubert, docter na Cuido di Salud Hubenil, (topico: Maneho di malesa y sanger den centro di mucha); sra. Martha Echeverry, educador special/antropologo, y sra. Uleike Tromp, terapista den 'applied behavior analisis' (topico: Comportacion di mucha den grupo) y for di Corsow, sra. Sharissa Naipal-Lewellyn, (topico: Siña activo).
E workshops a wordo atendi pa lider y studiante, representando 46 centro di mucha di 0 pa 12 aña. Comentarionan di e participantenan tabata sumamente positivo.
Despues di un mainta educativo y informativo Minister Michelle Hooyboer-Winklaar a habri merdia e Expo oficialmente y a dirigi palabranan di reconocimento pa e profesion.
E exposicion tawata tin e aspecto recreativo y creativo caminda diferente instructornan, companianan y instancianan a presenta nan actividadnan, producto y servicio cu ta relevante pa cuido y guia di mucha.
Fundacion Pa Nos Muchanan ta desea di gradici tur esnan cu a aporta na e exito di “Mercado”. Un danki special ta bai pa Aruba Way Foundation, kende ta e patrocinador mas grandi. Alabes pa Westin Aruba Resort y Quick Finder Services, pa nan tremendo yudansa.
|
|
|
|
|
| Kico nos por nifica pa abo como doño/cabesante di centro di mucha?
|
|
|
|
|
- duna conseho y sosten riba e asuntonan cu ta regarda maneho di bo centro di mucha.
- organisa seminario, tayer y cursonan riba maneho pedagogico, maneho di organisacion y financiero di bo centro, seguridad y otro areanan ora ta operacionalisa un centro di mucha.
- pone na bo disposicion material informativo manera buki, revista, foyeto, poster y material audio visual (c.d/dvd).
- ricibi boletin "Simia" cu nos ta publica cada cuartal. E ta trata e topiconan relaciona cu trabao cu mucha, curso, evenemento, etc.
 |
|
|
|
|
|
Nos Centro di Documentacion tin varios material informativo manera buki, revista, foyeto, flyer, poster y dvd. Nan ta trata topico relevante na e tereno di trabao di educacion di mucha di 0 - 12 aña. Algun di e topiconan ta fasenan di desaroyo di mucha, maneho pedagogico, plan di trbao pedagogico, disciplina, wega y coi hunga, nutricion, wega y coi hunga, organisacion y administracion di centro di mucha. Por pasa entre 8 - 5or di dialuna pa diabierna pa presta buki.
|
|
|
|
|
|
|
Ora bo ta busca informacion (servicio, tel.nr.) di un instancia of organisacion relaciona cu mucha, bo por yama nos libremente. Tambe ora bo no sa na cua instancia bo mester acudi, bo por contact nos pa guia bo den esaki. Nos ta alcansabel na number di telefon (00297-)5834247 of (00297-)5880856. |
|
|
|
Curso Prome Asistencia y Siguridad den centro di mucha
Lidernan di centronan di mucha ta tuma nan trabou na serio.
Recientemente lidernan di Noah’s Ark speelschool, Pretty Flower Speelschool, Scol di hunga Moises, Sesame Street Daycare, De Kleine Burger naschoolse opvang, My Little Giraffe playschool, Traimerdia & huiswerkbegeleiding Primavera, Sponge Bob Speelschool y Dinosaurus Speelschool a termina e curso di Prome Asistencia/CPR y Siguridad den centro di mucha, organisa pa Fundacion Pa Nos Muchanan (FPNM).
E parti di “Prome Asistencia y CPR” tabata na encargo di Nederlandse Rode Kruis y e parti di “Siguridad den centro di mucha” na encargo di FPNM.
Cursistanan a haya informacion y a practica Prome asistencia y CPR. Alabes a pone atencion riba aspectonan di siguridad den centro di mucha y a infatisa e importancia di tin un plan di evacuacion.
FPNM ta gradici Kiwanis Club of Aruba pa su fiel sponsoring y ta felicita e lidernan deseando nan exito den nan trabou cu mucha.
|